INDIAN PRESIDENTIAL ELECTION

ഭാരതത്തിന്റെ പതിനഞ്ചാമത് രാഷ്ട്രപതിയായി ദ്രൗപതി മുർമുവിനെ രാഷ്ട്രം തിരഞ്ഞെടുത്തു . 

പുതിയ രാഷ്ട്രതലവന് കുറച്ചു പ്രത്യേകതകൾ ഉണ്ട് . 

ഗോത്രവർഗ്ഗത്തിൽ നിന്നുള്ള ആദ്യ രാഷ്ട്രപതിയും രണ്ടാമത്തെ വനിതാ രാഷ്ട്രപതിയുമാണ് നിലവിലെ രാഷ്ട്രപതിയായ ദ്രൗപതി മുർമു .

രാഷ്ട്രപതിയെ തിരഞ്ഞെടുക്കുന്നത് എങ്ങനെ എന്നും അതിനുള്ള യോഗ്യതകൾ എന്തെല്ലാം എന്നും നിലവിലെ രാഷ്ട്രപതിയെ കുറിച്ചും ഉള്ള കാര്യങ്ങൾ ആണ് ഈ ബ്ലോഗിൽ പറയുവാൻ പോകുന്നത് .

ഇന്ത്യയുടെ പ്രഥമ പൗരൻ എന്ന നിലയിൽ ആ സ്ഥാനത്തേക്ക് മത്സരിക്കുവാൻ അധിക യോഗ്യതകൾ ആവശ്യമാണോ ? അല്ലെങ്കിൽ ആ സ്ഥാനത്തേക്ക് മത്സരിക്കുവാൻ എന്ത് വിദ്യാഭ്യാസ യോഗ്യതയാണ് വേണ്ടത് ?

ഇന്ത്യൻ ഭരണഘടന അനുസരിച്ച് 35 വയസ്സ് ഉള്ള ഒരു ഇന്ത്യൻ പൗരന് ഇന്ത്യയുടെ രാഷ്ട്രപതി എന്ന പദവി അലങ്കരിക്കാം .

ഒരു പാർലമെന്റ് അംഗം ആകാനുള്ള എല്ലാ യോഗ്യതകളും ഉള്ള ആളായിരിക്കണം രാഷ്ട്രപതി സ്ഥാനാർഥി ആകുന്ന ആൾ . 

രാഷ്ട്രപതി തിരഞ്ഞെടുപ്പിന് വേറെ ഒരു പ്രത്യേകത കൂടി ഉണ്ട് . അവിടെ ജനങ്ങൾ അല്ല രാഷ്ട്രപതിയെ തിരഞ്ഞെടുക്കുന്നത് .

ജനങ്ങൾ തിരഞ്ഞെടുത്ത ജനപ്രതിനിധികൾ ആണ് വോട്ടിലൂടെ ഇന്ത്യൻ രാഷ്ട്രപതിയെ തിരഞ്ഞെടുക്കുന്നത് . 

രാജ്യത്തിന് രണ്ടു സഭകൾ ആണ് ഉള്ളത് . ലോക സഭയും രാജ്യസഭയും . ഈ രണ്ട് സഭകളിലെയും സംസ്ഥാന നിയമ സഭകളിലെയും കേന്ദ്രഭരണ പ്രദേശങ്ങളിലെ നിയമ സഭകളിലെയും തിരഞ്ഞെടുക്കപ്പെട്ട പ്രതിനിധികൾക്കാണ് രാഷ്ട്രപതിയെ തിരഞ്ഞെടുക്കുവാൻ ഉള്ള വോട്ടവകാശം .

ഓരോ സംസ്ഥാനത്തെയും ജനപ്രതിനിധികളുടെ വോട്ടിന്റെ മൂല്യം വ്യത്യസ്തമാണ് . സംസ്ഥാനങ്ങളിലെ ജനസംഖ്യ നിരക്കും ജനപ്രതിനിധികളുടെ എണ്ണവും അനുസരിച്ച് വോട്ടിന്റെ മൂല്യവും വ്യത്യാസപ്പെടും . ഇതിനായി 1971 ലെ ജനസംഖ്യ ആണ് ആധാരമാക്കുന്നത് . 

കേരളത്തിലെ ജനപ്രതിനിധികളുടെ വോട്ടിന്റെ മൂല്യം ആയിരിക്കില്ല മറ്റു സംസ്ഥാനങ്ങളിലെ ജനപ്രതിനിധികളുടെ വോട്ടിന്റെ മൂല്യം .

കേരളത്തിലെ ജനപ്രതിനിധിയുടെ വോട്ടിന്റെ മൂല്യം എന്ന് പറയുന്നത് 152 ആണ് . എന്നാൽ നമ്മുടെ അയൽ സംസ്ഥാനമായ തമിഴ്‌നാട്ടിലെ ജനപ്രതിനിധിയുടെ വോട്ടിന്റെ മൂല്യം എന്ന് പറയുന്നത് 176 ആണ് . 

ഏറ്റവും കൂടുതൽ വോട്ട് മൂല്യം ഉള്ള സംസ്ഥാനം എന്ന് പറയുന്നത് ഉത്തർപ്രദേശ് ആണ് . അവിടുത്തെ ജനപ്രതിനിധിയുടെ വോട്ടിന്റെ മൂല്യം എന്ന് പറയുന്നത് 208 ആണ് . ഏറ്റവും കുറവ് വോട്ട് മൂല്യം ഉള്ള സംസ്ഥാനം എന്ന് പറയുന്നത് സിക്കിം ആണ് . അവിടുത്തെ വോട്ടിന്റെ മൂല്യം എന്ന് പറയുന്നത് 7 ആണ് .

ഈ രാഷ്ട്രപതി തിരഞ്ഞെടുപ്പിൽ ആകെ വോട്ടവകാശം ഉള്ള ജനപ്രതിനിധികൾ എന്ന് പറയുന്നത് 4809 പേർ ആണ് . 776 എം.പിമാരും ( MEMBER OF PARLIAMENT ) , 4033 എം.എൽ.എ. മാരും ( MEMBER OF LEGISLATIVE ASSEMBLY ) ആണ് .

                                           = രഹസ്യ ബാലറ്റുകളിൽ                                     സ്ഥാനാർഥികളുടെ പേരാണ് രേഖപ്പെടുത്തുക പക്ഷെ അവരുടെ പാർട്ടിയുടെചിഹ്നം ഉണ്ടാവുകയില്ല . 

= പാർലമെന്റ് അംഗങ്ങൾക്ക്  പച്ചനിറത്തിലുള്ള ബാലറ്റും നിയമസഭ അംഗങ്ങൾക്ക് പിങ്ക് നിറത്തിലുള്ള ബാലറ്റും ആണ് ഉണ്ടാവുക . 

= മുൻഗണനക്രമമാണ് ബാലറ്റ് പേപ്പറിൽ രേഖപ്പെടുത്തേണ്ടത് . ബാലറ്റ് പേപ്പറിലെ ഒന്നാം കോളത്തിൽ സ്ഥാനാർഥിയുടെ പേര് ഉണ്ടാകും . രണ്ടാം കോളത്തിൽ വോട്ടർക്ക് തന്റെ മുൻഗണന 1 , 2 എന്നിങ്ങനെ സംഖ്യയിൽ രേഖപ്പെടുത്താം . 

= തിരഞ്ഞെടുപ്പ് കമ്മീഷൻ നൽകുന്ന പ്രത്യേക പേന ഉപയോഗിച്ചാണ് വോട്ട് രേഖപ്പെടുത്തേണ്ടത് .

= വോട്ട് മൂല്യം അടിസ്ഥാനമാക്കിയാണ് ജയപരാജയങ്ങൾ നിശ്ചയിക്കുക.

= നിയമസഭാംഗങ്ങളുടെ വോട്ട് മൂല്യം ഓരോ സംസ്ഥാനത്തും വ്യത്യസ്തമായിരിക്കും. പാർലമെന്റംഗങ്ങളുടെ വോട്ടുമൂലം 700 ആണ് .

= മൊത്തം വോട്ടുമൂല്യം എന്ന് പറയുന്നത് 10,86,431. ഇതിൽ അമ്പതു ശതമാനത്തിലേറെ

വോട്ട് നേടുന്ന സ്ഥാനാർഥി വിജയിക്കും.

= നിയമസഭാ മന്ദിരങ്ങളിൽ നിന്നുള്ള ബാലറ്റ് പേപ്പറുകൾ ഡൽഹിയിൽ എത്തിച്ചാണ് വോട്ട് എണ്ണുക .

നിയമസഭാംഗങ്ങളുടെ വോട്ട് മൂല്യം

നിയമസഭാ അംഗങ്ങളുടെ വോട്ടിന്റെ മൂല്യം പല സംസ്ഥാനങ്ങളുടെയും വ്യത്യസ്തമായിരിക്കും അത് നമുക്ക് ഒന്ന് നോക്കാം . 

ആന്ധ്രാപ്രദേശ് - 159  

അരുണാചൽപ്രദേശ് - 8 

അസം - 116 

ബിഹാർ - 173 

ഛത്തീസ്ഗഡ് - 129 

ഗോവ - 20  

ഗുജറാത്ത് - 147

ഹരിയാണ - 112

ഹിമാചൽ പ്രദേശ് - 51

ജമ്മു കശ്മീർ - 72

ഝാർഖണ്ഡ് - 176 

കർണാടക - 131

കേരളം - 152 

മധ്യ പ്രദേശ് - 131 

മഹാരാഷ്ട്ര - 175

മണിപ്പൂർ - 18

മിസോറാം - 8

നാഗാലാൻഡ് - 9

മേഘാലയ - 17 

ഒഡിഷ - 149

പഞ്ചാബ് - 116

രാജസ്ഥാൻ - 129 

സിക്കിം - 7

തമിഴ്‌നാട് - 176 

തെലങ്കാന - 132 

ത്രിപുര - 26

ഉത്തരാഖണ്ഡ് - 64

ഉത്തർപ്രദേശ് - 208

ബംഗാൾ - 161 

ഡൽഹി - 58

പുതുച്ചേരി - 16

എന്നിങ്ങനെ ആണ് സംസ്ഥാനങ്ങളിലെ വോട്ടിന്റെ മൂല്യം .

ഇന്ത്യയുടെ പതിനഞ്ചാമത് രാഷ്ട്രപതിയെ കണ്ടെത്താനുള്ള വോട്ടെടുപ്പ് നടന്നത് 2022 ജൂലൈ 21 ന് ആണ് . ഭരണകക്ഷിയുടെ സ്ഥാനാർഥിയായ ഒഡിഷയിൽ നിന്നും ഉള്ള ദ്രൗപതി മുർമുവും പ്രതിപക്ഷത്തിന്റെ ബിഹാറിൽ നിന്നുള്ള യശ്വന്ത് സിൻഹയും .

296626 വോട്ടിന്റെ ഭൂരിപക്ഷത്തോടെ ദ്രൗപതി മുർമു ഇന്ത്യയുടെ രാഷ്ട്രപതിയായി തിരഞ്ഞെടുക്കപ്പെട്ടു . അവർക്ക് ആകെ ലഭിച്ച വോട്ടുകൾ 676803 വോട്ടും യശ്വന്ത് സിൻഹക്ക് 380177 വോട്ടും ലഭിച്ചു . നമ്മുടെ പുതിയ രാഷ്ട്രപതിക്ക് വേറെ ഒരു പ്രത്യേകത കൂടി ഉണ്ട് . രാഷ്ട്രപതി സ്ഥാനത്തേക്ക് എത്തുന്ന ഏറ്റവും പ്രായം കുറഞ്ഞ വ്യക്തി എന്നതിലുപരി സ്വാതന്ത്ര്യാനന്തരം ജനിച്ച ആദ്യത്തെ രാഷ്‌ട്രപതി കൂടി ആണ് ശ്രീമതി ദ്രൗപതി മുർമു .